Habari zenu wadau…..nafarijiiika sana
ninapoona mnazidi kuongezeka taratibu! na ni matumaini yangu Mungu anawajaalia
kwa kadiri ya kila mja na gawio lake.
Nisizunguke tu kama tiara….niseme
lililonileta hapa!....kweli kuishi ni kujifunza na unajifunza uyaongoze maisha
yaliyo bora. Ukiwa unaishi tu bila kujifunza mwenzangu kaa chini kwanza urudie
alphabet za maisha yako pengine kuna mahali umeruka alphabet muhimu!
katika safari ya maisha sidhani kama
unategemea kila kitu kikuendee sawa….kila kitu kinyooke tu, yaani uuone
mteremko mwanzo mpaka mwisho…..jamani si utaishi shimoni sasa….
maisha sharti kupanda
kidogo….upate hata cha kusimulia wajukuu zako…..ila sasa kuna wakati unaweza
kuhangaika na mpando mwaka mzima. Yarabi salama kipindi kama
hiki unaweza kukamatana uchawi hata na mama yako mzazi….shida juu ya shida,
ukigusa hiki chali….ukibeba kile chini…ukigeukia huku ngumi….ukisema utazame
kule konzi……mradi tafrani tupu!
Ni wakati kama huu wengi stress/
depression huwa zinatukamata kisawasawa. Roho za uchungu zinatujaa, kwanini
mimi….kwanini mimi…sasa ulitaka yamkute nani? haya basi unasali mpaka unahisi
magoti yanakufa ganzi, Mungu naye ndio kama vile
unatumia lugha asiyoielewa. Unakata tamaa!
Ukisikia mtu kajiua au kajidhuru…..unamuona mjinga
kwelikweli….taratibu hayajakugomea mwenzangu…..maisha hayajakununia ukajua kuna
kukosa tu bila kupata. hayajakufika ndugu yangu…..maana kuna mhenga wa zamani
mmoja yalimkong’ota yapi sijui akili
ikamnyooka barabara….akaona atuachie urithi wa msemo….MZIGO WA MWENZIO KWAKO
KANDA LA SUFI….
Sasa wale wenzangu na mimi….inafikia mahali tunaitwa fungu
la kukosa! yawe kwa mkono wa mtu, samahani wenye imani zenu msoamini uchawi upo
na watu wanautumia kutesa wenzao nyamaza tu…..au yawe ndio majaaliwa kuwa
unasumbuka na kusumbuka hola…mpaka Mungu aseme yatosha….USIKATE TAMAA!
Hayaendi ndio ila ndio yasikufanye utake kukatisha maisha,
wala usichoke kukosa Kumuomba Mungu mwenye rehema maana anatoa kwa awamu na
tulivyo wegi tumtumainiao, anapochelewa usichoke kumshtua, usichoke kumlilia,
usichoke kumkumbusha na atakusikia tu!
Maisha ni kama vita, tunapigana kufa na kupona, hapo ulipo
acha kulia, acha kufikiria mikosi inayokuandama, acha kusononeka na kukoda,
acha kabisa kujiita fungu la kukosa, acha acha acha kusema Mungu amekuacha,
acha kukisubiria kifo kama mkombozi, acha kuangalia waliofanikiwa
wakikuringishia, acha kujiona hufai duniani…..
Mungu ana makusudi yake…..zidisha juhudi hata uanguke mara
mia…simama futa vumbi….mwambie Mungu asante
kisha songa mbele….yawezekana pale ulipoamua kuishia ilikuwa imebaki hatua moja
ufikie utakako, uombako ama atamanipo.
MAMBO HAYAENDI…..ONDOA BREKI, BADILI GIA IKISHINDIKANA
SHUKA USUKUME MRADI MAISHA YANASONGA MBELE
MUNGU AKUBARIKI WEWE UNAYEPITIA NYAKATI NGUMU….HAUKO PEKE
YANGU RAFIKI…UKO PAMOJA NAMI, UKO PAMOJA NA MUNGU ANAKUJAALIA JAPO UHAI….
Laura!!
kweli kabisa..!
ReplyDelete