KUHUSU HADITHI YA SINDI

....Wapenzi wasomaji wangu

Nasikitika sana kuwa imebidi niikatishe kutokana na feedback kuwa ya kuvunja moyo.
Siku zote kwa Mwandishi, feedback ni kitu kinachomuhamasisha kufanya kazi kwa bidii zaidi lakini pia ni kitu kinachompa mwongozo wa kujitathmini.

kwa hadithi ya Sindi, nimesikitika sana kuwa pamoja na kazi kubwa ya kuwaburudisha. Feedback yake haikuwa ya kuvutia hata chembe. Kuandika page 15 na mtu akazisoma na kupita kimya kimya  hata comment hata kushare au hata like inaamisha hakuvutika na ulichoandika, hivyo basi badala ya kuendelea kupoteza nguvu zaidi nikaona niirudishe kabatini mpaka hapo nitakapoona kuna mabadiliko.

Kwa sasa, nimeileta NAHIYARI MAUTI kama zawadi ya kufungia mwaka wa wasomaji.
Sijui Feedback ya hii ila kwa kuwa ni zawadi sina neno..

Poleni sana kwa wale wachache mno waliojaribu kunisupport waziwazi ila ndio hivyo imenipasa kuchukua hatua hii.


Niwatakie usomaji mwema!

Laura Pettie!

HAPPY NEW MONTH…MAMBO 6 NINAYOKUKUMBUSHA!

Mpenzi msomaji!

Tunauanza mwezi mpya… mwezi wa mwisho wa mwaka…mwezi wa  likizo kwa wengi na mwezi unaojulikana kama mwezi wa sikukuu. Christmas na Mwaka mpya  ni wiki chache zijazo. Ni jambo la kumshukuru Mungu sana kuwa mimi na wewe mpaka dakika hii tupo hai na kwamba pamoja na changamoto zote za kidunia na kiimani bado tungali hai tukipewa nafasi nyingine ya kunyoosha njia zetu na kurekebisha hapa na pale. Tunasema Asante Mungu!

Kama ilivyo ada tunapouanza mwaka, wengi wetu huwa tuna zile New Year’s  Resolutions!.... mipango ya mwaka  mpya kwa mwaka mzima. Na sasa tunapoelekea kuumaliza mwaka tunapaswa kukaa chini na kutazama ni yapi tumeweza kuyatimiza na yapi yamekwama na kwa sababu zipi. Kwa ujumla ni wakati wa kujitathmini kwa kina na kujiandaa kumalizia yaliyokwama na pengine kupanga mengine mapya.

Yawezekana yapo tuliyoyapanga  lakini kutokana na sababu za maana na zisizo za maana kama uzembe na kukata tamaa basi tumeshindwa kuyatimiza. Si busara kuyatupa mbali na kutafuta mapya, ni vema tujitathmini ni kwa vipi mambo haya hayakutimia ili kuyajua kwa undani madhaifu yetu na kuyafanyia kazi.

Kwa kuuanza mwezi nina neno kwako msomaji! Mambo haya SITA  nimeona ni mazuri tukiyafanyia kazi wakati tunapoelekea kuumaliza mwaka.